MƏNİM ANA DİLİM
Məndən soruşsalar ki, dövlətdən,
naz-nemətdən nəyin var, qürur hissi ilə deyərdim: bütün kainatı, yer üzünü təsvir
və tərənnüm etməyə qadir sözüm, ana dilim var.
C.Məmmədquluzadə
Dil millətin varlığı, onun mənəvi
diriliyidir. Dil xalqın tarixinin, mədəniyyətinin, adət-ənənələrinin ifadə
vasitəsidir. Dilimiz bizim tarixi keçmişimiz, bu günümüz, sabahımız,
gələcəyimizdir. Mənim ana dilim Azərbaycan dilidir. O dil ki əsrlərin, nəsillərin
sınağından qətiyyətlə keçərək bizə yadigar qalıb. Bu dil müqəddəs, əzəmətli və
qüdrətli bir dildir. Dil həm də mədəniyyətdir, onu qorumaq və ona hörmətlə
yanaşmaq lazımdır.
Bu dil – bizim ruhumuz, eşqimiz, canımızdır,
Bu dil – bir-birimizə əhd-peymanımızdır.
Bu dil – tanıtmış bizə bu dünyada hər şeyi,
Bu dil - əcdadımızın bizə miras qoyduğu
Qiymətli xəzinədir.... onu gözlərimiz tək
Qoruyub, nəsillərə biz də hədiyyə verək. (B.Vahabzadə)
Ana dili bizim beşikdə bələndiyimiz
gündən eşitdiyimiz və öyrəndiyimiz dildir. Onu öyrənərkən ilk dəfə
qığıldaya-qığıldaya işlətdiyimiz birinci söz “ana” olmuşdur. Biz həmin dildə
analarımızın həzin laylalarını dinləmişik. Bu dildə nənələrimiz bizə şirin
nağıllar söyləmişdir. Ana dili hamı üçün əziz və unudulmazdır.
Anladım ki, ana dilim
Ürəyimdən çıxmaz mənim
Doğransam da, dilim-dilim. (X.R.Ulutürk)
Deyirlər bir millətin mal-dövlətini
və hətta vətənini əlindən alsan, ölüb-itməz, amma ana dilini alsan, millət əldən
gedər və ondan bir nişan qalmaz. Ana dili xalqın özüdür. Ana dilsiz həyat və
milli sərbəstlik də, milli varlıq da yoxdur.
Dilimiz zəngin bir dildir. Azərbaycan
dilində yaranmış yüzlərlə nağıllar və hədsiz-hesabsız bayatılar, tapmacalar,
atalar sözləri və məsəllər xalqımızın gözəl və zəngin dili ilə ifadə edilir. Məhəmməd
Füzulini və Molla Pənah Vaqifi, Mirzə Fətəli Axundovu və Səməd Vurğunu xalqa
sevdirən də məhz dilimizin zənginliyi və şirinliyidir.
Dilimiz tarix boyu bir sıra çətinliklərlə
üz-üzə gəlsə də, onu qoruyan mərd oğul və qızları həmişə mübarizə apararaq onu
bugünkü səviyyəsinə çatdırmışlar. Səfəvilər dövlətinin yaradıcısı,
görkəmli şair Şah İsmayıl Xətai tariximizdə ilk dəfə olaraq türk
dilini dövlət dili səviyyəsinə yüksəltmişdir. Onun dövründə fərmanlar
türkcə yazılır, diplomatik sənədlər Avropa ölkələrinə türk dilində göndərilirdi.Onun
bu sözləri hər bir azərbaycanlının dilinin əzbəridir: “Ey türk oğulları,
bir ovuc torpağınızı dünyanın var-dövlətinə, dilinizin bir sözünü ləl-cavahirata
dəyişməyin, onları qoruyun və sonrakı nəsillərə çatdırın...”
Hər bir insanın təkamülündə
ana dilinin rolu böyükdür. Ana dili milli təhsil, milli birlik deməkdir. Milli
dili olmayan, milli dilini qoruyub saxlamayan bir xalq məhvə məhkumdur. Ana
dilimizi sevmək Vətəni, xalqı, milləti sevməkdir. Ana dili bütün
elmləri öyrənməyin açarıdır. Hər bir insan ilk növbədə öz dilini yaxşı bilməli,
ədəbi dildə düzgün danışmağı və yazmağı bacarmalıdır. Heç vaxt dilə laqeyd
olmamalı, etinasızlıq göstərməməliyik. Bizim vətəndaşlıq borcumuz əsrlərin, nəsillərin
yadigarı olan ana dilimizin saflığını, varlığını hər vasitə ilə yaşadıb, gələcək
nəsillərə ötürməkdir. Ona görə də ulu babalarımızdan bizə miras
qalmış ən qiymətli sərvətimiz olan ana dilimizi göz bəbəyimiz kimi qorumalı,
ona daim qayğı ilə yanaşmalı, onun zənginləşməsi üçün əlimizdən gələni etməliyik.
Çünki zəngin dil mədəniyyətinə sahib olan xalq əyilməzdir, ölməzdir, parlaq gələcəyə
malikdir.
İnşanı ulu öndərimiz Heydər Əliyevin sözləri ilə tamamlamaq
istəyirəm: “Dil xalqın böyük sərvətidir. Ədəbi dilin tərəqqisi olmadan mənəvi mədəniyyətin
tərəqqisi mümkün deyil...”
MÜƏLLİM
ƏN BÖYÜK BAĞBANDIR
Müəllimlik cox şöhrətli bir sənətdir. Həqiqi
müəllim
olmaq cəmiyyət ücün, doğrudan da,
çox qiymətlidir.
Heydər
Əliyev.
Bir atalar sözündə deyilir ki, ağac və müəllim
barı ilə tanınır. İbtidai sinifdə oxuyarkən
əzbərlədiyim bir şeir yadıma düşdü:
əzbərlədiyim bir şeir yadıma düşdü:
Ey hörmətli müəllim!
Hər könüldə yerin var.
Hər kənddə, hər şəhərdə
Sənin meyvələrin var.
Əkdiyin ağacların
Sayı-hesabı olmaz.
Dünyada sənin kimi
Barlı bağban tapılmaz.
Doğrudan
da, müəllimi bir bağbana bənzətmək olar. Əgər bağbanın barı əkdiyi ağacların
meyvəsidirsə, müəlllimin də barı onun
yetirdiyi şagirdləridir. Necə ki bağban öz əkdiyi
ağaclarla
qürur duyur, müəllim də öz yetirmələri ilə elə fəxr edir. Müəllimin ömrünü bir çırağa bənzətmək
olar. O, insanları aydınlığa çıxaran bir işıqdır. Müəllim–önündə başlar əyilən, hörməti ümman
qədər olan şanlı insandır. Şagirdlərinin uğurunu görən zaman sanki yenidən doğulur, yenidən
yaşayır.
olar. O, insanları aydınlığa çıxaran bir işıqdır. Müəllim–önündə başlar əyilən, hörməti ümman
qədər olan şanlı insandır. Şagirdlərinin uğurunu görən zaman sanki yenidən doğulur, yenidən
yaşayır.
Müəllimlər
bizə yalnız bilik deyil, həyat dərsi də verirlər. Bizim uğursuzluqlarımıza kədərlənir,
sevincimizə sevinirlər. Müəllimlər bizim ikinci valideynlərimizdir. Onlara nə qədər təşəkkür etsək,
azdır. Biz hamımız müəllimdən
başlayırıq. Bizdəolan yaxşı xüsusiyyətlərin hamısı, demək olar ki,
müəllimlərdən keçib: diqqət, müdriklik, dəqiqlik, təmənnasız sevmək, insanları başa düşmək və s.
müəllimlərdən keçib: diqqət, müdriklik, dəqiqlik, təmənnasız sevmək, insanları başa düşmək və s.
Biz müəllimlərimizə
dəyər verməli, onların əməyini qiymətləndirməliyik. Bizim üçün etdikləri
hər şeyə görə onlara minnətdar olmalıyıq. Müəllimlərin əməyi istisnasız olaraq hər kəs üçün
hər şeyə görə onlara minnətdar olmalıyıq. Müəllimlərin əməyi istisnasız olaraq hər kəs üçün
əhəmiyyətlidir. Məhz onların sayəsində hər il ali təhsil ocaqları, kolleclər tələbələrlə dolur.
Müəllimlər uşaqlara yalnız biliklərini ötürmür, həm də qəlblərinin bir parçasını bəxş edirlər.
Müəllimlərimiz bizim məktəbdən sonrakı həyatımızda da hər zaman bizə kömək etməyə, nəsihət
verməyə hazırdırlar.
Müəllimlər uşaqlara yalnız biliklərini ötürmür, həm də qəlblərinin bir parçasını bəxş edirlər.
Müəllimlərimiz bizim məktəbdən sonrakı həyatımızda da hər zaman bizə kömək etməyə, nəsihət
verməyə hazırdırlar.
Məşhur
filosof Sokrat deyirdi ki, dünyada hər
şeyə qiymət qoymaq olar, yalnız müəllimin
əsərinə qiymət qoymaq olmaz. Hansı peşə sahibi olursa-olsun, müəllimin onun həyatındakı rolu
danılmazdır. Bugünkü həkimlər, mühəndislər, memarlar, nazirlər və s. hamısı müəllimlərdən
bəhrələnib, onun zəkasının nurundan pay alıblar.
əsərinə qiymət qoymaq olmaz. Hansı peşə sahibi olursa-olsun, müəllimin onun həyatındakı rolu
danılmazdır. Bugünkü həkimlər, mühəndislər, memarlar, nazirlər və s. hamısı müəllimlərdən
bəhrələnib, onun zəkasının nurundan pay alıblar.
Şair də doğru deyib:
Mən sənin ömrünü bənzədim nəyə,
Nə deyim səndəki yanar ürəyə?!
Neçə gül balanın tutub əlindən,
Çatdırdın bir parça halal çörəyə.
Biz
ömrümüz boyu müəllimlərimizə borclu olmalıyıq.
qeşey
YanıtlaSilƏladı
SilYaxşı
YanıtlaSilBelede
YanıtlaSilÇox gözözəlllll
YanıtlaSilYaxwi
YanıtlaSilÇox yaxşı
YanıtlaSilBelede
YanıtlaSilÇox qeşeng
Sil